"Hier
ist ein Stück, daß ist entstanden nachdem wir die letzte LP
aufgenommen hatten. Es hängt sehr damit zusammen, daß wir damals
dieses Problem hatten – was wir eigentlich immer noch haben – diesen
ganzen Rummel, den sie auf einmal um uns machen, auf die Reihe zu
kriegen. Alles, was damit zusammenhing mit den Artikeln in den
"Jugendverblödungszeitungen" und so etwas. Und eben ein Resultat von
den ... vielen Versuchen, das zu schaffen, ist dieses Stück hier."
Wolfgang Niedecken auf der Live-CD "Bess demnähx" von 1983
Nemm mich met
Von
der Live-CD/LP "Bess demnähx",
1983, der CD "Tonfilm",
1999 und dem Jubiläums-Album "Dreimal
zehn Jahre", 2005
Sick
paar Daach renn ich nur noch römm,
hypnotisiert vun dämm, wat öm mich römm all affläuf.
Ich krieje nix mieh op de Reih, doch dunn als ob,
weil mir't durchhänge keiner affkäuf.
Ich spill die Roll, die ich anscheinend spille soll,
nur janz deef drinne jährt et wigger, weed zo Ekel vüür mir selvs,
dann mööch ich schreie, laut un endlos lang,
doch fing - wie immer - ene Grund, et nit ze dunn,
ich benn wohl bloß ze bang.
Stattdessen fress ich en mich renn, bau Barrikade
un Sandburje uss Bedenken.
Ich graav mir't Kreechsbeil uss un widder enn
- janz heimlich - weil ich mich nit jähn selvs kränke,
denk hin un her un ich
föhl mich unendlich leer,
bess ich irgendwo jet Blaues sinn, ne Lichtblick oder zwei,
do mich durchschaus, mir wo't langjonn künnt zeichs,
weil do die Landkaat bess dä Schlössel häss, dä mich vun mir
befreit.
Nemm mich met, einfach met,
irjendwohin, wohin weiß ich nit.
Nemm mich met, nemm mich met,
zeich se mir, falls et en Richtung jitt.
Nemm mich met - Nemm mich met.
Kumm
lommer flüchte, nit op Ecke stonn,
op Wunder waade, bess mer alt un grau sinn,
weg vun Jerüchte, Stammdesch, Märsche, Minsche,
die jeföhllos, doch jenau sinn.
Kumm les uns uss der Hand, do steht
wo, wie, vüür allem wann et lossjeht,
russ uss dä Startlöcher, die ald lang jejraave sinn,
wo ich drinn hocke un ming Leeder sing
un Wööder sammle un verjammle, nemm mich met, oh, nemm mich met
dohin.
Nemm mich met, einfach met,
irjendwohin, wohin weiß ich nit.
Nemm mich met, nemm mich met,
zeich se mir, falls et en Richtung jitt.
Nemm mich met - Nemm mich met.
Kumm,
mir wollen uns verstecke, uns die Wunde lecke,
die noch nit vernarbt sinn,
Oreganoblöte plöcke, Stein vun weise Männer sööcke,
die verarmt sinn,
en ner Mondstrooß schwemme,
bei Minsche noh dänne
nie en Strooß benannt weed - nie - jeschweije denn en Stadt,
die trotzdämm wunschlos sinn un nit bloß satt.
Su nüdisch wie em Aurebleck hann ich e Luffschloß lang nimieh
jehatt.
Nemm mich met, einfach met,
irjendwohin, wohin weiß ich nit.
Nemm mich met, nemm mich met,
zeich se mir, falls et en Richtung jitt.
Nemm mich met - Nemm mich met.
Anmerkung: Auf der "Tonfilm"-CD und auf "Dreimal zehn Jahre"
wird die zweite Strophe von "Stattdessen fress..." bis "...vun mir
befreit" ausgelassen! |