Landplooch
Von der CD "Schlagzeiten", 1987

En dämm Moment, wo du uss heit'rem Himmel en der Dühr stunds, woor mir kloor: Do kütt dä Tiefschlaach. Du met der Trittbrett-Dauerkaat, die abonniert ess, jeweils op dä, dämm jet klapp. "Wo's he ne Fluchtweg?", wohr et Eezte, wat mir 'm selve Aurebleck treck durch der Kopp jing. Ich hätt jottweißwat drömm jejovve öm 'ne Hingerausgang oder en Tarnkapp. Doch als ob övver mir e Monster-Hinweisschild hing, op dämm dropsteht: "Klar, dä steht he!", stunds du treck nevve mir: "Wie jeht et dir?", un zwar su unabwendbar wie 'n Landplooch. Dann kohm die janze Litanei uss Tratscherei un söößem Heu, die läuf sick circa zwei'nhalv Stunde locker jetz. Du schwadroniers un schwätz. Du schmeichels, hetz un petz. Landplooch – du bess en Landplooch. Met dir jestroof sinn ess ne Flooch. Loss mich en Rauh, ich hann jenooch, Landplooch. Ich falle duut öm, wenn ich hühre, dat du schon sick jeher minge besste Frönd wöhrs, dat du mir alles jönns – "Nä, ehrlich!" Du hätts immer schon total ahn mich jegläuv. Wenn'sch nit jenau wöss, wer du bess un wie du wämm, weshalv all Zucker en der Arsch blööß, fiel ich glatt rinn op dich. Ich gläuv, du bess wer, der och dann lüsch, wenn e ei'ntlich schlööf. Na also, woss'j et doch: Jetz drückste endlich op die Tränendrüse mtt dämm Vorwurf, ich hätt dich hängelosse jetz, wo't endlich einer vun uns zwei ärm Säu jeschaff. Saach, meinste ei'ntlich, ich wöhr blööd un hätt vun all dämm nix jehoot, wat du daachdächlich hinger mingem Rögge schwaads, ding Lück-Ophjetzerei, ding Intrigiererei. Wemmer 't doch einmohl nur geschaff kräät, dat du selvs en dämm Moment he ahn der Thek stünds, en dämm du rinnküss op die kalkulierte, opjesetzte, penetrante Tour. Du, der mich schon sick jeher fast su brennend intressiert wie e verfilmt Telefonbooch. Doch do dat noch nie läuf, der Fairneß halber unger uns 'ne winzje Hinweis nur: Du muss dir 'ns dringend övverläje, wie du en' Problem op Dauer en der Griff kriss, un zwar dat: Wo du jehs un stehs, do hingerlöhßte 'n noh dir stinkende Schleimspur. Jank doch als Kreuzung zwesche Wetterfahn un Schlang övver de Höff. Ich benn mer secher, Mann, do wöhrs en Sensation. Dann köhmste och jrooß russ, selvs du, du taube Nuß.

Landplage
Übersetzt von Chrischi 1998

In dem Moment, wo du aus heiterem Himmel in der Türe standst, war mir klar: Da kommt der Tiefschlag. Du mit der Trittbrett-Dauerkarte, die abonniert ist, jeweils auf den, dem etwas klappt. "Wo ist hier ein Fluchtweg?", war das Erste, was mir im selben Augenblick direkt durch den Kopf ging. Ich hätte gottweißwas darum gegeben um einen Hinterausgang oder eine Tarnkappe. Doch als ob über mir ein Monster-Hinweisschild hinge, auf dem draufsteht: "Klar, der steht hier!", standst du direkt neben mir: "Wie geht es dir?", und zwar so unabwendbar wie eine Landplage. Dann kam die ganze Litanei aus Tratscherei und süßem Heu, die läuft seit circa zweieinhalb Stunden locker jetzt. Du schwadronierst und schwätzt. Du schmeichelst, hetzt und petzt. Landplage – du bist eine Landplage. Mit dir gestraft sein ist ein Fluch. Laß mich in Ruhe, ich habe genug, Landplage. Ich falle tot um, wenn ich höre, daß du schon seit jeher mein bester Freund wärst, daß du mir alles gönnst – "Nein, ehrlich!" Du hättest immer schon total an mich geglaubt. Wenn ich nicht genau wüßte, wer du bist und wie du wem, weshalb alles Zucker in den Arsch bläst, fiele ich glatt rein auf dich. Ich glaube, du bist wer, der auch dann lügt, wenn er eigentlich schläft. Na also, wußte ich es doch: Jetzt drückst du endlich auf die Tränendrüse mit dem Vorwurf, ich hätte dich hängenlassen, jetzt, wo es endlich einer von uns zwei armen Säuen geschafft. Sag, meinst du eigentlich, ich wäre blöd und hätte von all dem nichts gehört, was du tagtäglich hinter meinem Rücken redest, deine Leute-Aufhetzerei, deine Intrigiererei. Wenn man es doch einmal nur geschafft kriegte, daß du selbst in dem Moment hier an der Theke stündest, in dem du reinkommst auf die kalkulierte, aufgesetzte, penetrante Tour. Du, der mich schon seit jeher fast so brennend interessiert wie ein verfilmtes Telefonbuch. Doch da das noch nie läuft, der Fairneß halber unter uns ein winziger Hinweis nur: Du mußt dir mal dringend überlegen, wie du ein Problem auf Dauer in den Griff kriegst, und zwar das: Wo du gehst und stehst, da hinterläßt du eine nach dir stinkende Schleimspur. Geh doch als Kreuzung zwischen Wetterfahne und Schlange über die Höfe. Ich bin mir sicher, Mann, du wärst eine Sensation. Dann kämst du auch groß raus, selbst du, du taube Nuß.