Chlodwigplatz
Vom Album "Halv su wild", 2011

Ich sinn mich noch met dämm Damenrad un dä Nietebozz
ahn dä Thek  vun dämm Büüdche  om Chlodwigplatz.
Op dä Litfaßsäul Marlon Brando met 'nem Südseeschoss,
un dä Theo jitt Limo un Manna uss.
Die Vringspooz, et "Roxy", dä "Schuh Schön" un dä "Herrmanns Tünn"
un jää' növver dat Huus met dämm Hilije Severin
un dämm Laade, wo ich opjewaaße benn.

Un dann die Johre. de Eck erömm, ahm Ubierring,
wo dä Himmel voll Pinsel un Palette hing.
All die Näächte  met all dä Verröckte  em "Chlodwig Eck"
un die Wahnsinnszick enn dä Schokoladefabrik.
'92 em November wohr ich ziemlich platt,
weil janz Kölle kräät dä Arsch huh un kohm nohm Chlodwigplatz
un die Zäng ussenander, om Chlodwigplatz.

He benn ich jeboore, he wohr ich zohuss,
enn dämm Aachhundertmeter-Radius.
He kenn ich all Platane beim Name, jede Spatz,
jede Stein enn dä Muhr vun dä ahle Stadt.
Minge Nabel  der Welt blieht dä Chlodwigplatz.

Et letzte jeföhlte Johrhundert nur Krach un Dreck,
wohr dä Chlodwigplatz hinger 'ner Brizz versteck.
Mer hätt kaum noch draan jejläuv, doch sujar dat verjing
- wie et
"Roxy", dä "Schuh Schön", dä "Herrmanns Tünn"
un dä Laade, wo ich opjewaaße benn.
Dat ess schon okay su, weil die Welt sich drieht.
Dat ess schon okay su, - okay -, dat et wigger jeht.
Dat ess schon okay su, dat ess total normal.
Dat leef schon immer su, nit nur he. Övverall.

Dat ess schon okay su, dat ess total normal.
Dat leef schon immer su, nit nur he. Övverall.

He benn ich jeboore, he wohr ich zohuss,
enn dämm Aachhundertmeter-Radius.
He kenn ich all Platane beim Name, jede Spatz,
jede Stein enn dä Muhr vun dä ahle Stadt.
Minge Nabel  der Welt blieht dä Chlodwigplatz.

 

Chlodwigplatz
Übersetzt von Chrischi 2011

Ich sehe mich noch mit dem Damenrad und der Nietenhose
an der Theke  von dem Büdchen  am Chlodwigplatz.
Auf der Litfaßsäule Marlon Brando mit einer Südseeschönheit,
un dä Theo jitt Limo un Manna uss.
Das Severinstor, das "Roxy", der "Schuh Schön" und der "Herrmanns Tünn"
und gegenüber das Haus mit dem Heiligen Severin
und dem Laden, wo ich aufgewachsen bin.

Und dann die Jahre. die Eck herum, am Ubierring,
wo der Himmel voller Pinsel unn Paletten hing.
All die Nächte mit all den Verrückten  im "Chlodwig Eck"
und die Wahnsinnszeit in der Schokoladenfabrik.
'92 im November war ich ziemlich platt,
weil ganz Köln kriegte den Arsch hoch und kam zum Chlodwigplatz
und die Zähne auseinander, am Chlodwigplatz.

Hier bin ich geboren, hier war ich zuhause,
in dem Achthundertmeter-Radius.
Hier kenen ich alle Platanen beim Namen, jeden Spatz,
jeden Stein in der Mauer von der alten Stadt.
Mein Nabel der Welt bleibt der Chlodwigplatz.

Das letzte gefühlte Jahrhundert nur Krach und Dreck,
war der Chlodwigplatz hinter einem Bretterzaun versteckt.
Wir hat kaum noch daran geglaubt, doch sogar das verging
- wie das
"Roxy", der "Schuh Schön", der "Herrmanns Tünn"
und der Laade, wo ich aufgewachsen bin.
Das ist schon okay so, weil die Welt sich dreht.
Das ist schon okay so, - okay -, dasstes weiter geht.
Das ist schon okay so, das ist total normal.
Das lief schon immer so, nicht nur hier. Überall.

Das ist schon okay so, das ist total normal.
Das lief schon immer so, nicht nur hier. Überall.

Hier bin ich geboren, hier war ich zuhause,
in dem Achthundertmeter-Radius.
Hier kenen ich alle Platanen beim Namen, jeden Spatz,
jeden Stein in der Mauer von der alten Stadt.
Mein Nabel der Welt bleibt der Chlodwigplatz.